Arys garnızonynyń áskerı qyzmetshileri tyl ardagerin qarttar kúnimen quttyqtady

ARYS. QazAqparat – Túrkistan oblysyndaǵy Arys garnızonynyń áskerı qyzmetshileri tyl ardagerin qarttar kúnimen quttyqtady. Jarylys bolǵan qalada oq-dári fragmentterin joıý jumystaryn oryndap júrgen áskerıler qarbalas jumystaryna qaramastan Qarabek Qonysovtyń úıine baryp, syılyq tabys etti, dep habarlaıdy QazAqparat tilshisi.

Arystyq qarııa áskerılermen kezdesýde soǵys kezindegi estelikterimen bólisip, áskerı qyzmetshilerge ózine kórsetken qurmetteri jáne quttyqtaýlary úshin alǵysyn bildirdi. Jylyna bir keletin mereıli meıram kúni el aǵasynyń janyn jadyratyp, kezekti márte marqaıtyp tastady. Eli úshin etken eńbeginiń jemisin búgin kórip otyrǵan zeınetkerdiń bul basqosýdan biraz demalyp, bir jasap qalǵany sózsiz. Aıta keteıik, 1931 jyly Arys qalasynda dúnıege Qarabek Qonysbek on jeti jasynda tyl maıdanyna attanǵan. Jastaıynan surapyl soǵys kezinde temirjolda qyzmet etti. Uly Otan soǵysynan keıinde osy salada abyroımen qyzmet etken qarııa, qazirgi ýaqytta qurmetti zeınette. Seksenniń seńgirine shyqqan aqsaqal alty baladan nemere-shóberelerin baǵyp otyr.