Arys balalary Kókshetaý qalasynyń kórikti jerlerine saıahat jasady
Vedomstvonyń málimetinshe, shildeniń 10-y kúninde «Zvezdnyı» balalardy saýyqtyrý ortalyǵynda demalyp jatqan Arystan kelgen 20 bala polıtsııanyń bastamasymen Kókshetaý qalasynda bolyp, óńiriniń kórikti jerleri men tarıhy oryndaryn aralap kórdi.
«Ekskýrsııa teńdessiz tarıhı eskertkishteri saqtalǵan Kókshetaý qalasynyń tarıhı murajaıyn aralaýdan bastaldy. Murajaı qyzmetkerleriniń sózinshe, ǵımarattyń Buqpa taýynyń irgesinde ornalasýynyń ózindik tarıhy bar, ıaǵnı, 19-shy ǵasyrdyń alǵashqy shıreginde osy jerde Kókshetaý qalasynyń irgesi qalana bastaǵan. Kishkentaı meımandar Kókshetaý qalasy qurylǵan ýaqyttan bastap, búgingi kúnge deıingi tarıhı jádigerlermen tanysý múmkindigin aldy», - dep aıtty vedomstvodan.
Sonymen qatar, Kókshetaý qalasynyń kórikti jerlerinde boldy.
«Buqpa taýynyń baýraıyndaǵy baqylaý alańynda, Aqmola oblystyq PD murajaıynda boldy. 1919 jyldan bastaý alatyn polıtsııa qyzmetiniń tarıhymen tanysty. Murajaı qorynda 5600-den astam jádiger saqtalǵan», - deıdi PD baspasóz qyzmetindegiler.
Saıahat barysynda balalarǵa estelik syılyqtar tapsyryldy. Polıtsııa qyzmetkerleri «Dınamo» dene shynyqtyrý sport uıymymen birlesip, balalarǵa sporttyq jabdyqtar syılady. Al, saıahat sońynda kishkentaı meımandarǵa balmuzdaqtar úlestirdi.
«Biz balalardyń Kókshetaý qalasy men Býrabaı kýrortynda bolǵanynda jaqsy áser alýy úshin barlyq jaǵdaı jasadyq. Ózimizde erekshe áserli kúıde boldyq», - deıdi PD JPQB ıývenaldy polıtsııa tobynyń aǵa ınspektory, polıtsııa maıory Aınagúl Qýandyqova.
Aıta keteıik, Aqmola oblysynyń polıtseıleri alǵashqylardyń biri bolyp Arys turǵyndaryna bir kúndik eńbekaqylaryn, ıaǵnı, 5 mıllıon teńgeden astam qarajat bóldi. Іshki ister organdary men ulttyq gvardııa ardagerleri keńesiniń qory jarty mıllıon teńge aýdardy. Sonymen qatar, óńir polıtseıleri Aqmola oblysynyń lagerleri men balalardy saýyqtyrý ortalyqtarynda demalyp jatqan Arys balalarynyń qaýipsizdigin qamtamasyz etýde.
