Arys balalary demalý úshin Qyzylorda oblysyna keldi

QYZYLORDA. QazAqparat - Túrkistan oblysy Arys qalasynan 150 bala Jańaqorǵan aýdanyndaǵy oblystyq olımpıadalar men qosymsha bilim berý ortalyǵynda tegin demalatyn boldy, dep habarlaıdy QazAqparat tilshisi.

Arystyq balalardy oblystyq bilim basqarmasynyń basshysy Maıra Meldebekova, aýdan ákimi Ǵalym Ámireev qarsy alyp, júrekjardy tilegin jetkizdi.

Balalar jańa oqý jyly bastalǵanǵa deıin psıhologııalyq trenıng, ekskýrsııa, túrli úıirmelerge qatysady. Jazǵy demalysty kóńildi ótkizý úshin kelgen balalar da óz qýanyshyn jetkizdi. Endi jas órender 20 kún boıy lagerde demalady.

Aıta keteıik, Arys qalasyndaǵy jaǵdaıǵa qatysty Syr óńiri túrli deńgeıde kómekter uıymdastyryp, bastamashyl toptarǵa birikti. Qyzylorda jurtshylyǵy onda jarylys kezinde zııan kelgen turǵyn úılerdi jóndeýden ótkizýge nazar aýdaryp otyr.

Arys qalasynda Qyzylorda oblysyna tıesili №6 aýmaqtaǵy 14 kóshede 254 jeke turǵyn úı, 5 áleýmettik jáne 10 kommertsııalyq nysan ornalasqan. Jóndeý jumystaryna oblystan 20 qurylys kompanııasy jumyldyrylǵan. Munda barlyǵy 186 adam eńbek etip jatyr.