Arys aýmaǵyna 800 áskerı qyzmetshi jetkizildi

NUR-SULTAN. QazAqparat - Túrkistan oblysynyń ákimi Ómirzaq Shókeev Arys qalasyndaǵy TJ aýmaǵynda jumys istep júrgen qyzmetkerler týraly aıtyp berdi, dep habarlaıdy QazAqparat.

«Arys turǵyndaryn evakýatsııalaýǵa 150 avtokólik tartyldy. Qalany kúzetýge aýdandyq ishki ister bólimi tolyq jumyldyryldy. 345 qyzmetker, 75 arnaıy kólik, 51 jedel járdem kóligi tartyldy. Odan bólek, Qorǵanys mınıstrligi tarapynan 800 áskerı qyzmetshi qala aýmaǵyna jetkizildi. Olar jedel tapsyrmalardy oryndaıtyn bolady. Sońǵy bir saǵatta Arys qalasynan 1616 adam evakýatsııalandy», - dedi Ómirzaq Shókeev Arys qalasynda tikeleı efırde ótken baspasóz brıfınginde.