Arys aýdanynda 7 balabaqsha salynady
ShYMKENT. QazAqparat - Ońtústik Qazaqstan oblysy, Arys aýdanynda aǵymdaǵy jyly memlekettik-jekemenshik áriptestik aıasynda jalpy 7 balabaqsha ashý josparlanyp otyr. Jyl sońyna deıin «Balapan» baǵdarlamasynyń aıasynda balabaqshamen qamtý deńgeıin 90,4 paıyzǵa jetkizý kózdelýde. Bul týraly Arys aýdanynyń ákimi Murat Qadyrbek baspasóz málıhatynda málim etti, dep habarlaıdy QazAqparat tilshisi.
Ákimniń sózinshe, aýdandaǵy Dermene aýyldyq okrýginde 150 jáne 200 oryndyq 2 orta mekteptiń qurylys jumystary júrgizilýde. Sondaı-aq aýdanda bıyl túıe sút ónimin óndiretin «Jelmaıa» aýylsharýashylyǵy óndiristik kooperatıvi qosymsha daıyn ıogýrt ónimderi men túıe júnin presteý tsehyn iske qosýdy josparlaýda eken.
«Túıe sútin kóbeıtý maqsatynda jalpy quny 3,5 mln teńgeni quraıtyn óndiristik qýaty 300 tonnalyq qurama jem shyǵaratyn tseh ashylmaq. Al, eldimekenderdiń ınfraqurylymyn damytý maqsatynda 1 mlrd 716 mln teńgege «Otyrar», «Ońtústik», «Naýryz» turǵyn aýdandarynda ınfraqurylym qurylysy júrgizilgen. Aldaǵy 2018-2025 jyldar aralyǵynda qalanyń 26 eldi mekenin tabıǵı gazben qamtamasyz etý josparlanýda. Sonymen qatar 53 kóshege ortasha jóndeý jáne tas tóseý jumystary júrgiziletin bolady», - dedi Murat Bolatuly.
