Arys arqyly júretin jolaýshylar poıyzdarynyń júrý kestesi qalpyna keltirildi
«Jolaýshylar tasymaly» AQ Arys oqıǵasyna baılanysty jolda qalǵan jolaýshylardy jaqyn mańda ornalasqan stansalar men qalalarǵa tasymaldaýǵa qol ushyn sozǵan Túrkistan, Jambyl, Qyzylorda oblystary jáne Shymkent pen Almaty qalalarynyń ákimshilikterine, QR ІІM Tótenshe jaǵdaılar komıtetine jáne de eriktiler men metsenattarǵa óz alǵysyn bildiredi.
Tótenshe jaǵdaı kezinde 24 men 27 maýsym aralyǵynda Taraz, Shymkent jáne Túrkistan qalalaryna poıyz jáne avtokólik arqyly 15 myńnan astam jolaýshy tasymaldandy. Joldan bógelgen poıyzdarda qalǵan jolaýshylarǵa tegin aýyz sý men tamaq berildi.
Osy aralyqta bılet kassalaryna júgingen jolaýshylarǵa 50 mln teńgeni quraǵan bılet quny qaıtaryldy. Sondaı-aq Kompanııa Arys qalasynan Nur-Sultan qalasyna deıin 200 balany jetkizýge atsalysty.
Qazirgi tańda Arys arqyly jol júrý tolyqtaı qalpyna keltirildi.
