Arys arqyly ótetin halyqaralyq poıyzdar toqtap tur
«Halyqaralyq tranzıttik poıyzdar áli de toqtap tur. Halyqaralyq baǵyttaǵy tranzıttik poıyzdardyń barlyǵy Túrkistan-Arys-Shymkent baǵytynda qozǵalys jandanǵan kezde ǵana jolǵa shyǵady. Mundaı sheshimdi temirjol ákimshilikteri ózderi qabyldap otyr», - deıdi «Jolaýshylar tasymaly» AQ-nyń Servıs jáne klıenttermen jumys departementiniń dırektory Álibek Sultanov.
«Jolaýshylar tasymaly» AQ baspasóz hatshysy Dıas Ahmetsháriptiń aıtýynsha, poıyz jolaýshylarynyń ishinde aýyr jaǵdaımen dárigerdiń kómegine eshkim júginbegen.
Eske salsaq, Arystaǵy tótenshe jaǵdaıǵa baılanysty jolda qalǵan 11 myń jolaýshy balama baǵyttarmen tasymaldandy.
Buǵan deıin Arystaǵy jarylystan úshinshi adamnyń kóz jumǵany týraly habarlanǵan bolatyn.
Búgin Parlament depýtattary Arys turǵyndarymen kezdesý úshin Túrkistan oblysyna attandy.
Tótenshe jaǵdaıdyń qaýpi áli seıilmegendikten, turǵyndarǵa qalaǵa oralýǵa bolmaıtyndyǵy eskertilgen.
