Aryqtaýdyń eń tıimdi alty joly
ASTANA. QazAqparat - Dıeta ustaýǵa jigerińiz jetpedi me? Sportzalǵa barýǵa da ýaqyt tappaı otyrsańyz, jaǵajaı maýsymyna tómendegi tásildermen daıyndalyńyz. Aryqtaýdyń alty joly sizge paıdasyn tıgizedi, dep jazady anabol.kz.
1. Spırtti sýsyndardan bas tartyńyz! 1 lıtr taza spırtte (96%) 7000 kkal bar. 100 gr sharapta 56-70 kkal bolady. Al onyń bir bokalynda, ıaǵnı 250 gramda 140-170 kkal bar degen sóz. Osyndaı usaq-túıekterdi sanaıtyn bolsańyz, artyq maıdyń qaıdan paıda bolǵanyna ońaı kóz jetkizesiz.
2. Jaıaý kóbirek júrińiz! Onyń áseri mol. Bul óz kezeginde arnaıy aryqtaý jattyǵýlarymen aınalysqanmen teń.
3. Táttige tábetińiz ashylsa, et jeńiz! Maılylyǵy az súzbe, taýyq pen balyq eti táttini umytýǵa kómektesedi.
4. Jıi qozǵalysta bolyńyz! Ásirese, keńsede kún uzaq otyratyndar úshin bul erejeni buljytpaı oryndaý mańyzdy. Ár saǵat saıyn keminde bir ret kompıýter aldynan turyp, 5-10 mınýt júrip kelińiz. Qozǵalyssyz otyrǵannan góri turǵanda, ásirese, qozǵalyp, ary-beri júrgende boıdaǵy maıdyń erýi jyldam bolady.
5. «Bir qasyq» erejesin ustanyńyz! Tamaq ishkende tabaǵyńyzdyń túbine bir qasyq asty jemeı qaldyryp otyryńyz. Bir qarasań, bir-aq qasyq. Al negizinde siz tabaqtyń túbinde sol bir qasyq tamaqty qaldyrmasańyz, taǵy ekinshi tabaq ishýge tábetińiz de ashylyp ketýi múmkin emes pe?!
6. Jegińiz kelse, sý ishińiz! Tamaqqa tábetińiz ashyla qalsa, birden bir stakan sý iship alyńyz. Bul tásildiń kómegi mol. Sondaı-aq kúnine 1,5 lıtrdeı sý ishý kerektigin esińizden shyǵarmańyz.
Osy keńesterge qulaq túrip, oryndaı júrseńiz, esh dıetasyz-aq artyq salmaqtan aryla alasyz!
