Aryqtan 25 mıllıon dollardyń asyl zattary tabyldy
ASTANA. 9 naýryz. QazAqparat - Frantsýz polıtseıleri 2008 jyldyń sońynda Harry Winston býtıginen urlanǵan zergerlik buıymdar men asyl zattardyń bir bóligin Parıj irgesindegi úılerdiń biriniń sarqyndy sý aǵatyn qubyrynan taýyp otyr.
Tabylǵan asyl zattar shamamen 18 mıllıon eýroǵa (25 mıllıon dollar) baǵalanyp otyr, dep habarlaıdy Utro.ru saıty.
Quqyq qorǵaý organy ókiliniń aıtýynsha, asyl zattar Parıjdiń irgesindegi Sen-Sen Denıde bir úıdiń irgesindegi sarqyndy sý aǵatyn aryqtyń ishine jasyrylǵan bolyp shyqty. Ol úı -atyshýly urlyqqa qatysy bar dep aıyptalǵan toǵyz adamnyń biriniki.
2008 jyldyń jeltoqsan aıynda belgisiz bir top adam qarý-jaraqpen qorqytyp, Elıseı alqabyndaǵy Harry Winston býtıginen 85 mıllıon eýronyń (118 mıllıon dollar) zerlerlik buıymdaryn urlap ketken edi. Bul qylmys Frantsııa tarıhyndaǵy eń iri urlyq sanalady.
