Aryqqa qulaǵan: Almaty oblysynda kólik apatynan eki adam mert boldy
TALDYQORǴAN. QazAqparat - Almaty-Óskemen tasjolynda kólik apatynan eki adam mert boldy, dep habarlaıdy QazAqparat tilshisi.
Almaty oblystyq Polıtsııa departamentiniń málimetinshe, jol apaty búgin saǵat 08:00 shamasynda bolǵan.
«Oqıǵa Almaty-Óskemen tasjolynyń 223-shaqyrymynda, ıaǵnı Kóksý aýdanynyń aýmaǵynda bolǵan. Aldyn ala boljam boıynsha, «Hyundai Accent» kóliginiń 30 jastaǵy júrgizýshisi soltústik baǵytpen kele jatqan. Kenet rýlge ıe bola almaı qalyp, shyǵys baǵyttaǵy jol jıegine shyǵyp ketken. Artynsha aryqqa qulap, aýdarylǵan. Saldarynan kóliktiń 30 jastaǵy júrgizýshisi men 28 jastaǵy jolaýshysy alǵan jaratynan oqıǵa ornynda mert boldy», - delingen vedomstvo habarlamasynda.
Qazir atalǵan fakti boıynsha QR QK 345-baby 4-bóligimen tergeý júrip jatyr.
