Aryq qubyryna keptelip qalǵan 2 jasar bala qutqaryldy
ASTANA. QazAqparat - Qyrǵyzstannyń Osh qalasynyń polıtseıleri aryq qubyryna kirip, shyǵa almaı qalǵan 2,5 jasar balany qutqardy, dep habarlaıdy Kabar.
Osh qalasynyń Batken ІІD baspasóz qyzmeti habarlaǵandaı, 12 qyrkúıek kúni 2,5 jasar balanyń iz-túzsiz ketkendigi týraly habar kelip túsken. Polıtsııa qyzmetkerleri saǵat 14.30- dan bastap izdeý jumystaryn bastaǵan.
«Keshke shamamen saǵat 20.00-de quqyq qorǵaý qyzmetkerleri joǵalǵan 2,5 jasar Nurıslamdy aryq qubyrynyń ishinen tapty. Ol qubyrǵa kirip, odan shyǵa almaı qalǵan. Bala din aman. Ol ájesiniń qolyna tapsyryldy», - dep jazady aqparat agenttigi.
