Arýjan Saın balalar úıirmeleriniń tegin bolýyn shekteıtin kedergilerdi atady
Bilim jáne ǵylym mınıstrliginiń Facebook paraqshasynda Dúnıejúzilik balalar kúnine oraı «Balalyq shaqty qorǵaý júıesiniń tıimdiligi jáne balanyń ál-aýqaty: memleket pen azamattyq qoǵamnyń birigýi» taqyrybynda baspasóz máslıhaty ótip jatyr. Sharada sóz bastaǵan Arýjan Saın balalardy jarqyn bolashaqqa jeteleý úshin Memleket basshysy Qasym-Jomart Toqaev naqty qandaı tapsyrma bergenin qatysýshylardyń esine saldy.
«Prezıdent Qazaqstan halqyna Joldaýynda balalarǵa bilim men tárbıe berý máselesine erekshe nazar aýdarǵan bolatyn. Ol árbir bala sporttyq, shyǵarmashylyq jáne óner úıirmelerimen qamtylýy kerektigin eskertken. Sebebi bul – bizdiń balalarǵa bilim men tárbıe berýdiń, memleket úshin adam kapıtalyn damytýdyń mańyzdy elementi. Biz bul máseleni sheshýge tyrysqanymyzben, ókinishke qaraı, progress áli joq. Men ákimdikterge naqty talappen shyqtym, ıaǵnı olarǵa bilim salasyna bólinetin qarajattyń biraz bóligin balalar úshin tegin úıirmege jumsaý kerektigin habarladym. Bul hatty jan-jaqqa joldasam da, ázirge nátıje joq. 2020 jyly naqtylanǵan bıýdjetke bul máseleler esepke alynbady», - deıdi Arýjan Saın.
QR Bala quqyqtary jónindegi ýákil naqty qajettilikke jumsalýǵa tıis qarajattyń bolmashy sharalarǵa baǵyttalyp jatqanyn aıtady.
«Bizdiń árbir tıyn halyqtyń qajetine jumsalýy tıis. 6 mıllıon balamyzǵa memlekettik turǵyda júıeli kómek kórsetilýi kerek. Qysqasy, jergilikti atqarýshy organdardyń zerdesi bar-aý degen úmitimiz jelge ushty. Biz Mádenıet jáne sport mınıstrliginiń ókilderimen naqty mehanızmder jolǵa qoıylýy kerektigi jóninde uzaq áńgimelestik. Óıtkeni aqsha úıirme túrinde ár balaǵa jetýi kerek. Ókinishtisi, bul mehanızm áli qurylǵan da joq. Sondyqtan sarapshylarǵa júgindik. Olarǵa alǵysym sheksiz. Sarapshylardyń kómegimen memlekettik satyp alýlar týraly zańǵa ózgerister men tolyqtyrýlar engizýdi kózdeıtin zań jobasy ázirlenip, ol qujatqa «shyǵarmashylyq satyp alý», «sporttyq satyp alý» uǵymdary engizildi. Sondaı-aq mádenıet týraly zańǵa jáne sport týraly zańǵa balalar sporty men shyǵarmashylyǵy boıynsha satyp alý júıeleri qalaı naqty jumys isteıtinin retteıtin túzetýler ázirlendi», - dedi ol.
Arýjan Saın bul maqsattaǵy jumys respýblıkalyq bıýdjetten qosymsha qarajatty qajet etpeıtinin jetkizdi. Bul másele ákimdikterden, mádenıet jáne sport basqarmalarynan bólinetin qarajattyń esebinen sheshiledi. ıAǵnı bul qomaqty qarjy balalardyń múddesi men úıirmelermen qamtamasyz etýge jumsalady.
«Qazirgi ýaqytta bul zań jobasy Májilistiń qaraýynda. Úkimettiń qorytyndysyn kútip otyrmyz. Qujattyń tezirek qabyldanýynan úmitimiz zor. Bul zań osy jyldyń sońyna deıin qabyldanbasa, bizdiń ákimdikter taǵy da balalardyń múddesi eskerilmegen bıýdjetti qabyldap jiberedi», - dedi ol.