Arýjan Saǵyndyqova Taılandtaǵy týrnırdiń shırek fınalyna ótti

ASTANA. QazAqparat – Qazaqstandyq Arýjan Saǵyndyqova Taılandta ótip jatqan ITF World Tennis Tour W15 týrnıriniń shırek fınalyna ótti, dep habarlaıdy QazAqparat tilshisi.

Dúnıejúzilik reıtıngte 1162-orynda turǵan 18 jastaǵy qazaqstandyq tennısshi eki kezdesýin sátti ótkizdi.

Arýjan aldymen reıtıngte 1075-satydaǵy Gonkong ókili Men Ing Meggı Ngti 6:4, 6:2 esebimen tize búktirdi.

Ekinshi aınalymda taılandtyq Kamonvan Iodpetchti 0:6, 6:4, 6:4 esebimen utty.

Arýjan Saǵyndyqovanyń shırek fınaldaǵy qarsylasy keıin anyqtalady.

Eske sala keteıik, budan buryn Elena Rybakınanyń álemdik reıtıngide TOP úshtikke engenin jazǵan edik.

Sondaı-aq Mıhaıl Kýkýshkın AQSh-taǵy týrnırdiń shırek fınalyna shyqty.