Arýjan Saǵyndyqova juptyq synda Úndistandaǵy jarystyń shırek fınalyna ótti

ASTANA. KAZINFORM – Qazaqstandyq tennısshi Arýjan Saǵyndyqova juptyq synda Nıý-Delıdegi (Úndistan) ITF W35 týrnıriniń shırek fınalyna joldama aldy. 

Qazaqstandyq sportshy reseılik Elına Neplıımen birge bastapqy kezdesýin úndistandyqtar Laalıtıa Kallýrı – ıAshasvını Panvarmen ótkizdi.

Qazaqstandyq-reseılik jup jergilikti tennısshilerdi 6:1, 6:0 esebimen oısyrata jeńdi. Match nebári 44 mınýtqa sozyldy.

Endi A.Saǵyndyqova – E.Neplıı jartylaı fınalǵa shyǵý úshin jarystyń 4-raketkalary, úndistandyqtar Vaıshnavı Adkar – Sravaıa Shıvanı Chılakalapýdımen talasady. 

Arýjan sondaı-aq jekeleı synda jarysqa qatysyp jatyr. Ol ekinshi aınalymda álemniń 382-raketkasy, japonııalyq Sakı Imamýramen shırek fınal joldamasyn sarapqa salady.

Eske sala keteıik, budan buryn qazaqstandyq úsh jas tennısshiniń Aýstralııa ashyq chempıonatynda baq synaıtynyn jazǵan edik.