Arýjan Saǵyndyqova Úndistandaǵy týrnırdiń shırek fınalyna shyqty

ASTANA. KAZINFORM — Qazaqstandyq tennısshi, 21 jastaǵy Arýjan Saǵyndyqova juptyq synda Ahmedabad (Úndistan) ITF W15 týrnıriniń shırek fınalyna joldama aldy.

Jarystyń 2-raketkasy bolyp tirkelgen A.Saǵyndyqova reseılik Marııa Golovınamen birge bastapqy kezdesýin úndistandyqtar Kashısh Bhatııa – Pýdja Ingalemen ótkizdi.

Qazaqstandyq-reseılik jup kort ıelerin tas-talqan etip utty – 6:1, 6:1. 

A.Saǵyndyqova – M.Golovına jartylaı fınalǵa shyǵý úshin taılandtyqtar Lýnda Kýnhom – Tanýchaporn Iongmodpen talasady.

Qazaqstandyq tennısshi jekeleı synda osy dúısenbide jańartylǵan álemdik reıtıngide 846-dan birden 794-orynǵa kóterilgen edi. Degenmen Arýjan Ahmedabadta jekeleı synda joly sátti bolmaı, alǵashqy aınalymda reıtıngide 834-satydaǵy japonııalyq Honoka Kobaıasıge ese jiberdi – 6:7 (4:7), 4:6. 

Eske sala keteıik, budan buryn Elena Rybakınanyń Qytaıdaǵy týrnırde Olımpıada chempıonyn utqanyn jazǵan edik.