Arýjan Saǵyndyqova Shymkenttegi týrnırde top jardy

ASTANA. KAZINFORM — Qazaqstandyq tennısshi Arýjan Saǵyndyqova juptyq synda Shymkent ITF W15 týrnırinde úzdik shyqty. 

Qazaqstandyq sportshy reseılik Elına Neplıımen birge fınalda týrnırdiń 1-raketkalary, reseılikter Ekaterına Maklakova – Anna Ýrekemen synǵa tústi.

Birinshi partııada reseılik jup taı-breıkte sátti oınady – 7:6 (7:4). Ekinshi sette A.Saǵyndyqova – E.Neplıı qarymta qaıtardy – 6:2. Sodan keıin sýper taı-breıkte match núktesin qoıdy – 10:8.
Tartysty ótken fınaldyq báseke 1 saǵat 49 mınýtqa sozyldy.

Taǵy bir qazaqstandyq Grıgorıı Lomakın juptyq synda Annın (Qytaı) ITF M25 jarysynyń fınalyna deıin jetti. Ol taılyq Vıshaııa Trongcharoenchaıkýlmen birge sońǵy básekede ǵana Belarýs ókili Nıkolaı Galak – taıbeılik Iı Djýı Loǵa ese jiberdi – 6:7 (1:7), 4:6.

Eske sala keteıik, budan buryn Arýjan Saǵyndyqovanyń Shymkenttegi týrnırdiń fınalynda oınaıtynyn jazǵan edik.

Sondaı-aq Jibek Qulambaeva Germanııadaǵy jarysta kambekpen fınalǵa ótti.

Qazaqstan áıelder quramasy alǵash ret álemdik reıtıngide 6-orynǵa kóterildi.