Arýjan Saǵyndyqova Mysyrdaǵy týrnırdiń ekinshi ret shırek fınalyna shyqty

ASTANA. KAZINFORM - Qazaqstandyq tennısshi, 19 jastaǵy Arýjan Saǵyndyqova Sharm-el-Sheıh (Mysyr) ITF W15 týrnıriniń shırek fınalyna joldama aldy.

Dúnıejúzilik reıtıngide 1 040-orynda turǵan qazaqstandyq tennısshi bastapqy kezdesýinde álemniń 656-ynshy, osy jarystyń 5-raketkasy, reseılik Alısa Kıýmmeldiń meselin qaıyrdy.

Eki saǵat 12 mınýtqa sozylǵan tartysty matchta Arýjan kambek jasap, qarsylasyn 1:6, 6:2, 6:4 esebimen jeńdi.

Búgin A.Saǵyndyqova germanııalyq ıAsmın Vagnerdiń mysyn basty - 6:3, 6:3. Bul kezdesý bir saǵat 38 mınýtqa sozyldy.

Endi Saǵyndyqova jartylaı fınalǵa shyǵý úshin ońtústikkoreıalyq Eıýnhaı Lımen talasady.

Bir apta buryn Arýjan Sharm-el-Sheıhtegi dál osyndaı dodanyń shırek fınalyna deıin jetken edi.

Eske sala keteıik, budan buryn Elena Rybakına qatysatyn WTA qorytyndy týrnıriniń jerebesi tartylǵanyn jazǵan bolatynbyz.