Arýjan Saǵyndyqova Qytaıdaǵy týrnırde jeńis tuǵyryna kóterildi
ASTANA. KAZINFORM — Qazaqstandyq tennısshi, álemniń 958-raketkasy, 20 jastaǵy Arýjan Saǵyndyqova Lýan (Qytaı) ITF W15 týrnıriniń chempıony atandy.
Qazaqstandyq sportshy fınalda álemniń 797, osy jarystyń 5-raketkasy, 19 jastaǵy reseılik sportshy Marııa Kalıakınamen bas júldeni sarapqa saldy.
Birinshi partııada Arýjan 6:4 esebimen basymdyq tanytty. Ekinshi sette de Saǵyndyqova dúnıejúzilik reıtıngide ózinen áldeqaıda joǵary turǵan qarsylasynyń mysyn basty – 6:3. Osylaısha, eki partııada qarsylasyn san soqtyrǵan qazaqstandyq tennısshi chempıondyq tuǵyrǵa kóterildi.
Bul jeńisinen keıin Arýjan aldaǵy dúısenbide jańartylatyn WTA reıtıngisinde joǵary kóterileri anyq.
Eske sala keteıik, budan buryn Arýjan Saǵyndyqovanyń Qytaıdaǵy týrnırdiń fınalyna joldama alǵanyn jazǵan edik.
Sondaı-aq belorýssııalyq tennısshi ekinshi jyl qatarynan AQSh chempıony boldy.