Arým tek bolashaq chempıondarmen kelisimshartqa otyrady - Marat Mázimbaev

ASTANA. QazAqparat - Kásipqoı bokstaǵy alǵashqy qazaqstandyq sportshylardyń biri, IBA jáne IBF tujyrymdary boıynsha burynǵy álem chempıony, WBO tujyrymy boıynsha burynǵy qurlyqaralyq álem chempıony Marat Mázimbaev Jánibek Álimhanulynyń jańa kelisimsharty týraly pikirin bólisti, dep habarlaıdy «SPORTINFORM» SAA.

«Baýyrymdy shynaıy quttyqtaımyn. Bob Arým - álemdegi promoýterlerdiń serkesi. Ol tek bolashaq chempıondarmen kelisimshartqa otyrady. Arým óziniń jumysyna óte jaýapty qaraıdy, onyń boksshylary úlken jetistikterge jetedi. Jánibek Top Rank kompanııasynda ózin jaqsy qyrynan kórsetip, myqty kásipqoı bokshy bolady. Jánibektiń kelisimsharty týraly egjeı-tegjeıli bilmeımin, biraq, meniń túsingenimshe, ol keler jyldyń jazyna deıin 5-6 jekpe-jek ótkizýi tıis. Álimhanulyna sparrıngke jaqsy serikter tańdaý qajet. Osyǵan kóp nárse baılanysty. Jánibektiń menedjeri de jaqsy, Egıs Klımas durys jumys isteıdi dep senemin», - dedi Marat Mázimbaev.

Eske sala keteıik, Jánibek Álimhanuly ústimizdegi jyldyń qańtar aıynda QR ulttyq quramasyndaǵy mansabynyń aıaqtalǵanyn jarııalaǵan bolatyn. Keıinnen kásipqoı boksqa birjola bet burǵany belgili boldy.

Jýyrda onyń belgili promoýter Bob Arýmnyń Top Rank kompanııasymen kelisimshart jasasqany týraly habar tarady.