Arý «Týr de Frans»-taǵy jetistigin jaraqattanǵan «astanalyqtarǵa» arnady
ASTANA. QazAqparat - «Týr de Frans»-tyń jalpy esebinde kósh bastap turǵan Arý bul jetistigin «Astananyń» jaraqat alyp qalǵan veloshabandozdaryna arnady, dep habarlaıdy sports.kz.
12-shi kezeńnen keıin «Týr de Frans»-tyń jalpy esebinde kósh bastaǵan «Astana» kapıtany ıtalıandyq veloshabandoz Fabıo Arý «Úlken ilmekte»-gi bul jeńisin komandalas áriptesterine arnady.
Sársenbi kúni veloshabandoz Darıo Kataldo jaraqat saldarynan «Astana» komandasynyń sapynan túsip qalǵan bolatyn. Al komanda kapıtanynyń kómekshisi ıAkob Fýlsang qolyna zaqym alǵanyna qaramastan, jarysty jalǵastyrýda.
Aıta keteıik, beısenbi kúni Arý Grand-týrdyń 12-shi kezeńinde úshinshi oryn alǵannan keıin velokópkúndiktiń jalpy esebinde kósh bastady.
«Romen Bardeni keremet jeńisimen quttyqtaımyn. Men úshin sary jeıde úlken marapat sanalady. Ókinishke qaraı, Darıo Kataldo keshe qulap qalyp, jarystan shyǵyp qaldy, al ıAkob Fýlsangqa búgin aýyr kún boldy - ol zaqymdalǵan qolymen jarysty jalǵastyrdy. Sondyqtan sary jeıdeni solarǵa, sondaı-aq maǵan qoldaý kórsetken barlyq komandama arnaımyn», - dedi Arý.
