Artem Matýsevıch akademııalyq eskek esýden álem chempıonatynyń qola júldegeri atandy
ASTANA. KAZINFORM — Germanııanyń Dýısbýrg qalasynda ótip jatqan akademııalyq eskek esýden 23 jasqa deıingi sportshylar arasyndaǵy álem chempıonatynda Qazaqstan qorjynyna medal tústi.
Artem jeńil salmaqtaǵy erler arasyndaǵy jekeleı synnyń fınalynda márege 3-shi bolyp jetip, qola medal ıelendi.
Bul baǵdarlama júldegerleri:
1. Joao Veloso (Portýgalııa)
2. Angelos Afanasıadıs Kaýdıs (Grekııa)
3. Artem Matýsevıch (Qazaqstan)
Aıta keteıik, Qazaqstan úshin bul akademııalyq eskek esýden tarıhı júlde sanalady. Osyǵan deıin bizdiń eskek esý sheberleri bul jas sanatyndaǵy dúnıe júzi dodasynda júlde almaǵan.
Eske sala keteıik, Matýsevıch irikteý kezeńi men jartylaı fınalda da 2-oryn alyp, fınalǵa shyqqan. Ol byltyr Shanhaıda ótken eresekter arasyndaǵy álem chempıonatynda TOP-10 qatarynan kóringen atlet (9-oryn).
Aıta keteıik, chempıonatqa Qazaqstan komandasy sapynda 5 sportshy attandy. Barlyǵy Dýısbýrg qalasyndaǵy jarysqa 49 memleketten 600-den astam eskek esý sheberi qatysty.
Eske salsaq Qazaqstan komandasy ártistik júzýden Azııa chempıonatynda taǵy 4 altyn jeńip aldy.
