Artem Antropov - aýyr atletıkadan Azııa chempıonatynyń kúmis júldegeri

ASTANA. KAZINFORM - Qytaıdyń Tszıanshan qalasynda ótip jatqan aýyr atletıkadan Azııa chempıonatynda qazaqstandyq Artem Antropov (102 keli) kúmis medaldi jeńip aldy.

Osy salmaqtaǵy álem chempıony (102 kg deıingi) bul synda tek Parıj Olımpıadasynyń jeńimpazy Lıý Hýanhýaǵa (Qytaı) ǵana ese jiberdi. Sondaı-aq Antropov julqa kóterýde kúmis, serpe kóterýde qola júlde jeńip aldy.

1. Lıý Hýanhýa (Qytaı) - 410 keli (180+230)

2. Artem Antropov (Qazaqstan) - 386 keli ( 165+221)

3. Davranbek Hasanbaev (Túrkimenstan) - 377 keli (182+195).

Sondaı-aq búgin, 14 mamyrda el quramasynan Aqerke Baımanap (87 keli), 15 mamyrda Lıýbov Kovalchýk (87 keliden joǵary) saıysqa túsedi.

Eske salsaq, qazirge deıin qazaqstandyq Petr Hrebtov (73 keli) qola medal aldy.

On kúnge sozylatyn qurlyqtyq dodada 200-den astam sportshy jarys jolyna shyǵady. Onyń ishinde 112-i erler, 89-y áıelder arasynda synǵa túsip jatyr.

Qurlyqtyq doda erler arasynda 1971 jyldan bastalsa, 1988 jyldan beri qurlyqtyq dodada áıelder saıysqa túsedi.

1998-2024 jyldar aralyǵynda qazaqstandyq aýyr atletter barlyǵy 25 medal aldy. Onyń ishinde 29-y altyn, 47-i kúmis, 101-i qola medal.