Artyq salmaq áıelderge qaraǵanda erlerge úsh ese qaýipti ekeni anyqtaldy
ASTANA. QazAqparat - Artyq salmaqtan zardap shegetin erlerdiń áıelderge qaraǵanda merziminen buryn dúnıeden ótý qaýpi úsh ese joǵary, dep jazady Bı-bı-sı.
Túrli elderdiń bir top ǵalymy álem boıynsha 189 zertteý málimetterin jıdy. Oǵan shamamen 4 mln adam qatysty.
Lancet medıtsınalyq jýrnalynda jarııalanǵan toqtamdarǵa sáıkes, Eýropa men Soltústik Amerıkada merziminen buryn ólimniń negizgi sebepteriniń tiziminde temeki shegýden keıingi ekinshi orynda semizdik tur.
"Eýropada merziminen buryn ólimniń árbir jetinshi jáne Soltústik Amerıkadaǵy merziminen buryn bolǵan ólimniń árbir besinshi jaǵdaıy artyq salmaq jáne semizdikpen baılanysty", - dedi zertteýshilerdiń biri professor Rıchard Peto.
Artyq salmaqtan zardap shegetinder ózgelerge qaraǵanda úsh jyl erte ajal qushady. Keı jaǵdaılarda ómiri 10 jylǵa qysqarýy múmkin.
Jer turǵyndarynyń shamamen 30%-y artyq salmaq nemese semizdikten zardap shegedi. Bul 2,1 mlrd-qa jýyq adam.
