Artýr Taımazov ekinshi Olımpıada altynynan aıyryldy
NUR-SULTAN. QazAqparat – Osetııalyq balýan Artýr Taımazov 2012 jylǵy Olımpıada oıyndaryndaǵy altyn medalinen aıyryldy, dep habarlaıdy QazAqparat HOK resmı saıtyna silteme jasap.
Ol sporttyq mansabynda Ózbekstan quramasynda óner kórsetken bolatyn.
Sportshy dopıngke qarsy erejelerdi buzdy dep aıyptalýda. Onyń qanynan týrınabol tabyldy. Bul onyń synamasyna qaıta tekseris júrgizgennen keıin anyqtalǵan.
Aıta keteıik, qazirgi ýaqytta Artýr Taımazov Reseı Memlekettik Dýmasynyń depýtaty.
Budan buryn Taımazovtan tyıym salynǵan dári-dármekterdi qoldanǵany úshin 2008-Olımpıada oıyndaryndaǵy altyn medalin alyp qoıǵan bolatyn.
Osylaısha, Londondaǵy Olımpıada oıyndarynyń altyn júldesi ekinshi oryn alǵan grýzın Davıt Modzmanashvılıge buıyrmaq.
