Artýr Shýshenachev «Aqtóbe» komandasy sapyna qosyldy

Bul jóninde komandanyń baspasóz qyzmeti málim etti.

Taraz fýtbol mektebiniń 27 jastaǵy túlegi men klýb basshylyǵy resmı kelisimshartqa qol qoıdy. Osy ýaqytqa deıin Artýr Shýshenachev otandyq jáne sheteldik klýbtar sapynda oınaǵan. 2024 jyly ızraıldik «Hapoel Beer-Sheva», keıin reseılik «Sochı» sapynda dop teýip keldi. Oǵan deıin óz komandasy «Tarazda» oınap, keıin biraz ýaqyt «Qaırat» sapynda oıyn kórsetken.

Osy ýaqytqa deıin klýbtyq deńgeıde barlyǵy 258 matchqa qatysyp, 78 gol soqqan.

Artýr Shýshenachev Qazaqstan ulttyq quramasynda 7 oıynǵa qatysyp úlgerdi.

Eske salsaq, budan buryn «Turan» fýtbol klýbynan birden alty oıynshy ketti.