Artýr Lastaev jýrnalısterge jasalǵan shabýyl týraly: Tergeý jan-jaqty tekserilip júrgizilýi tıis
«Atqarylyp jatqan jumys pen ádiletti Qazaqstandy qurý aıasynda jýrnalısterdi qorǵaý erekshe mańyzdy bolyp tur. Osy oraıda Joǵary komıssarǵa qazirgi kezde keıbir qylmystyq ister boıynsha tergeý júrip jatqanyn aıttym. Bul turǵyda jýrnalısterdiń, blogerlerdiń jáne basqa da adamdardy qorǵaý boıynsha másele kóterilgen bolatyn. Adam quqyqtary jónindegi ulttyq ortalyq bul derekterge qatysty tergeý amaldaryn nazarda ustap otyr. Atalǵan faktiler boıynsha kináli adamdar tıisti jazasyn alady dep sanaımyz», - dedi A. Lastaev elordada BUU Adam quqyǵy jónindegi joǵary komıssary Folker Tıýrkpen kezdeskennen keıin tilshiler suraǵyna jaýap bere otyryp.
Bul rette ol zańsyz áreketterge tap bolǵan kez kelgen azamat kináliler tıisti jazasyn alatynyna senimdi bolýy kerek ekenin aıtty.
«Keıingi kezde qozǵalǵan qylmystyq isterge toqtalsaq, elimizdiń quqyq qorǵaý organdary ózderiniń joǵary kásibı deńgeıin kórsetti. Olar bul qylmystardy jasady degen kúdiktilerdi, sonymen birge ony uıymdastyrǵandardy da, naqty tapsyrys berýshilerdi de anyqtady. Tergeý amaldary jan-jaqty, obektıvti júrgizilip, kináliler tıisti jazasyn alady dep senemiz», - dedi A. Lastaev.
Onyń aıtýynsha, Adam quqyǵy jónindegi joǵary komıssar QR Prezıdenti jarııalaǵan ádiletti Qazaqstandy qurý baǵytyndaǵy konstıtýtsııalyq reformalarǵa qatysty oń pikirin bildirdi.
«Bul turǵyda ol jýrnalısterge qatysty jasalǵan zańsyz áreketterdiń jolyn kesý qadamdaryna oń baǵa berdi. Joǵary komıssar qazirgi kezde ishki ister organdarynyń qaraýyndaǵy qylmystyq ister ádil tergeletinine senim bildirdi», - dedi Lastaev.
Budan buryn habarlanǵandaı, ІІM jáne UQK vedomstvoaralyq jedel-tergeý toby BAQ ókilderine shabýyl uıymdastyrǵan kúdikti toptyń jolyn kesti.
Buǵan deıin jýrnalıster men blogerlerge qatysty qylmys jasady degen 18 adam ustalǵany belgili boldy.
