Artýr Lastaev saılaý naýqany jaıynda: Básekelestik úshin jaǵdaı jasaldy

ASTANA. QazAqparat – Adam quqyqtary jónindegi ýákil Artýr Lastaev Májilis jáne máslıhat depýtattaryn saılaýdy uıymdastyrýǵa qatysty pikir bildirdi, dep habarlaıdy QazAqparat tilshisi.

«Ádiletti saıası básekelestik úshin barlyq jaǵdaı jasaldy. Meniń oıymsha, osydan keıingi nátıje kandıdattarǵa, olardyń áreketine, sondaı-aq kandıdattardyń bastamasyn qoldaıtyn azamattardyń ustanymyna baılanysty», - dedi A. Lastaev elordada BUU Adam quqyǵy jónindegi joǵary komıssary Folker Tıýrkpen kezdeskennen keıin tilshiler suraǵyna jaýap bere otyryp.

Onyń aıtýynsha, Adam quqyǵy jónindegi joǵary komıssar QR Prezıdenti jarııalaǵan ádiletti Qazaqstandy qurý baǵytyndaǵy konstıtýtsııalyq reformalarǵa qatysty oń pikirin bildirdi.

«Bul reformalar adam quqyǵyn, sonymen birge demokratııalyq qoǵamdy odan ári nyǵaıtýǵa septigin tıgizýi tıis. Bul baǵyttaǵy qadamdar Parlament Májilisi depýtattaryn saılaý qarsańynda aıryqsha mańyzdy», - dedi A. Lastaev.

Budan buryn habarlanǵandaı, Adam quqyqtary jónindegi ýákil Qazaqstanda «shetel agentteri» týraly zańdy engizý qarastyrylmaǵynan aıtty.