Artýr Abraham WBO nusqasy boıynsha álem chempıony ataǵynan aıyryldy
ASTANA. 24 naýryz. QazAqparat - Shyqqan tegi armıandyq nemis sportshysy Artýr Abraham 76,2 kelige deıingi salmaq sanatynda Búkilálemdik boks uıymy nusqasy boıynsha álem chempıony ataǵynan aıyryldy, dep habarlady ITAR-TASS.
Germanııanyń Magdebýrg qalasynda ótken 12 raýndyq tıtýldyq jekpe jekte ol germanııalyq Robert Shtıglıtske 4 raýndta tehnıkalyq nokaýtpen ese jiberdi.
Osylaısha ótken jyldyń tamyzynda Abrahamǵa upaı sanymen utylǵan Shtıglıts ese qaıtardy. Aıta keterligi, Abraham buǵan deıin chempıondyq belbeýin frantsýzdyq Mehdı Býadladan qorǵap qalǵan bolatyn. Ol 2006-2009 jyldary 72,6 keli salmaq sanatyna deıin Halyqaralyq boks federatsııasynyń álem chempıony ataǵyn ıelenip, ony 11 márte qorǵaǵan bolatyn.
