Otandastarymyz Azııa chempıonatynda ártistik júzýden kúmis júldeni jeńip aldy
ASTANA. KAZINFORM - Bangkokta (Taıland) ótip jatqan jas ereksheligi boıynsha Azııa chempıonatynda Qazaqstan quramasynyń qorjyny taǵy bir medalmen tolyqty, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Áıelder arasyndaǵy tehnıkalyq baǵdarlama boıynsha juptyq synda Maqpal Qalmurza men Daıana Djamanchalova kúmis júldege ıe boldy. Altyn medal Ózbekstan sportshylaryna buıyrsa, qola júldeni Malaızııa quramasynyń ókilderi jeńip aldy.
Aıta keteıik, sanaýly sát buryn Vıktor Drýzın tehnıkalyq solo baǵdarlamasynda top jarǵan bolatyn.
