Ártistik júzýden Qazaqstan quramasy álem chempıonatynyń fınalyna ótti

ASTANA. KAZINFORM — Qazaqstan quramasy ártistik júzýden komandalyq saıysta álem chempıonatynyń fınalyna joldama aldy, dep habarlaıdy UOK baspasóz qyzmeti.

Sıngapýrda sý sporty túrlerinen álem chempıonaty jalǵasyp jatyr.

19 shildede ártistik júzýden komandalyq saıys ótti. Otandastarymyz komandalyq erkin jattyǵýda 261.9755 upaı jınap, 8-orynǵa turaqtady.

Qurama sapynda Nargıza Bolatova, ıAsmın Tuıaqova, Daıana Djamanchalova, Ksenııa Makarova, Áıgerim Qurmanǵalıeva, Anna Pavletsova, Valerııa Stolbýnova óner kórsetti.

Komandalyq saıystyń fınaldyq kezeńi 20 shildede ótedi.

Buǵan deıin qazaqstandyq jup ártistik júzýden álem chempıonatynyń fınalynan tys qalǵanyn jazǵan edik.