Ártistik júzý: qazaqstandyqtar álem chempıonatynyń fınalyna bir qadam jetpeı qaldy

ASTANA. KAZINFORM – Sıngapýrda sý sporty túrlerinen álem chempıonaty jalǵasyp jatyr. 21 shildede ártistik júzýden juptyq saıystar ótti.

QR UOK málimetinshe, erkin jattyǵý baǵdarlamasynda el namysyn Daıana Djamanchalova men ıAsmın Tuıaqova qorǵady.

Otandastarymyz irikteý saıysynda 228.2541 upaı jınady. Nátıjesinde 13-oryndy ıelenip, fınaldyq kezeńge bir qadam jetpeı qaldy.

Aqtyq synǵa úzdik shyqqan 12 jup ótti.

Qazaqstan quramasy Sıngapýrdegi sý sporty túrlerinen álem chempıonatynda ártistik júzýden komandalyq saıystyń fınalynda óner kórsetken edi.