Ártistik júzý: Qazaqstan jasóspirimder arasyndaǵy álem chempıonatynda tórt medal jeńip aldy
ASTANA. KAZINFORM - Býdapeshtte (Vengrııa) artıstik júzýden jasóspirimder arasyndaǵy álem chempıonaty aıaqtaldy, dep habarlaıdy Qazaqstannyń Ulttyq olımpıada komıteti.
Qazaqstan quramasy álem birinshiliginde eki kúmis jáne eki qola medal jeńip aldy. Bul nátıje ulttyq quramanyń medaldar kestesinde tórtinshi oryn alýyna múmkindik berdi.
Jalpykomandalyq esepte Reseı quramasy kósh bastady. Onyń enshisinde toǵyz altyn jáne bir qola medal bar.
Ekinshi oryndy Ispanııa quramasy ıelendi. Ispanııalyq sportshylar eki altyn, tórt kúmis jáne tórt qola medal jeńip aldy.
Qytaı quramasy bes kúmis jáne eki qola medalmen úshinshi orynǵa turaqtady.
Aıta keteıik, jasóspirimder arasyndaǵy álem chempıonatynda Aldııar Ramazanov pen ıAsmına Islamova juby erkin baǵdarlamada ekinshi oryn aldy.
Qazaqstan quramasy akrobatıkalyq baǵdarlamada da kúmis medal jeńip aldy.
Vıktor Drýzın tehnıkalyq jáne erkin baǵdarlamalarda eki ret qola júldege ıe boldy.
Aıta keteıik, Majarstannyń Býdapesht qalasynda ártistik júzýden jasóspirimder arasyndaǵy álem chempıonatynda qazaqstandyq Vıktor Drýzın qola medal jeńip alǵan bolatyn.
