Artsportqa bólingen qarajattyń tıimdi ıgerilýin baqylaıtyn jumys toby qurylady
«Mádenıet jáne sport mınıstiriniń 2022 jylǵy 15 qyrkúıektegi №265 buıryǵymen memlekettik tapsyrysty júzege asyrý tetigine túzetýler engizildi. Atalǵan túzetýlermen «óli jandardy» joıý tetigi rettelgenin, balalar úshin qaýipsizdik is-sharalary (beınebaqylaý, sanıtarlyq normalardy saqtaý jáne t.b.) qamtamasyz etildi. Bólingen bıýdjetti qatysýshy jandardyń sanyna bólý arqyly balalar kólemin arttyrý maqsatynda bir balaǵa 2 den 1-ge deıingi vaýcherler sany ońtaılandyryldy. Jergilikti atqarýshy organdar esebinen 2023 jyly memlekettik tapsyrysty jalǵastyrý maqsatynda 560 myńnan astam balalar men jasóspirimderdi qamtý úshin 86,7 mlrd teńge qarastyrylǵan», - dep atap ótedi Úkimet basshysy jaýabynda.
Onyń atap ótýinshe, aqparattyq júıeni anyqtaý jáne memlekettik tapsyrysty qarjylandyrý máselesin júıeli túrde eki kezeń arqyly iske asyrý kózdelgen. Birinshi, óńirlerdi ózin-ózi qarjylyq basqarý múmkindigimen qamtamasyz etý jáne ortalyqsyzdandyrý maqsatynda osy jyly aqparattyq júıelerdi ázirleý máselesi óńirlermen derbes jáne konkýrs aıasynda ótkizilýde. Qazirgi kúni konkýrstar boıynsha 15 óńirde qyzmet kórsetýshi anyqtaldy. Ekinshi, barlyq óńirlerde konkýrstyq rásimder aıaqtalyp, qyzmet kórsetýshiler anyqtalǵannan keıin aqparattyq júıelerdi ıntegratsııalaý jáne olardyń qyzmet kórsetýi arqyly biryńǵaı aqparattyq júıe negizinde memlekettik tapsyrysty odan ári iske asyrý máselesi pysyqtalady.
«Sonymen qatar memlekettik tapsyrysty iske asyrý tetikterin, qoldanystaǵy qaǵıdalardy jetildirý, olarǵa tıisti ózgerister men tolyqtyrýlar engizý máseleleri turaqty túrde júrgiziletin bolady. Osyǵan oraı Mádenıet jáne sport mınıstrligi janynan memlekettik organdar, qoǵamdyq uıymdar, «Atameken» UKP ókilderiniń qatysýymen tıisti jumys toby qurylýda. Jumys toby bıýdjet qarajatynyń sapasy men nysanaly ıgerilýin baqylaýdy qatańdatý, sybaılas jemqorlyq táýekelderin joıý jáne úıirmelerge qatysatyn balalardyń quqyqtaryn buzý bóliginde memlekettik jan basyna shaqqandaǵy qarjylandyrý sheńberinde sporttyq sektsııalar men shyǵarmashylyq úıirmeler qyzmetin reglamentteıtin normatıvtik quqyqtyq aktilerge túzetýler ázirleýdi josparlaýda», - dedi Álıhan Smaıylov.
