Artsport boıynsha úıirmeler sany qysqarady - mınıstr túsindirmesi

NUR-SULTAN. QazAqparat – Balalarǵa arnalǵan sport jáne shyǵarmashylyq úıirmeler sany qysqartylady. Bul týraly QR Mádenıet jáne sport mınıstri Dáýren Abaev aıtty, dep habarlaıdy QazAqparat tilshisi.

«Sport túrleriniń sany 71 den 30-ǵa deıin, shyǵarmashylyq úıirmeler 59-dan 30-ǵa deıin qysqarady.

Qysqasha túsindirip óteıin. Aldymen biz qaıtalanatyn sport túrlerin toptastyrdyq. Mysaly, qazir onda ústel tennısi, kózi nashar kóretin balalarǵa arnalǵan ústel tennısi, tirek-qımyl júıesi zaqymdanǵan balalarǵa arnalǵan ústel tennısi jáne beıimdelgen tennıs túrleri bar. Bul sektsııalardyń barlyǵy óz jumysyn jalǵastyra beredi. Tek bir ortaq ataýǵa biriktiriledi», - dedi Dáýren Abaev Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, jeńil atletıkadaǵy jaǵdaı da osyǵan uqsas.

«Biraq biz tolyq alyp tastaıtyn sport túrleri de bar. Ony ózderińizge keıin habarlaımyz», - dedi mınıstr.