Artsport baǵdarlamasy jasóspirimder qylmysyn tómendetýge yqpal etti - Arýjan Saın
«Eger 2018 jyly jasóspirimder men balalar jasaǵan úsh myńǵa jýyq qylmys tirkelse, 2021 jyly Artsport reformasy bastalǵan kezden qylmys sany eki esege azaıdy. Bul óz kezeginde osyǵan deıin úıirme aqysyn tóleı almaı kelgen otbasylardyń balalary sportpen jáne shyǵarmashylyqpen aınalysýǵa bet burǵanyn, sol úıirmelerde dostary men tálimgerlerdi, jattyqtyrýshylar men muǵalimderdi tapqanyn baıqatyp otyr. ıAǵnı, olar kóshede, ınternette kóretin túrli destrýktıvti protsesterden alystaı bastady. Olar ózderin damytatyn baǵyttardy tańdap, shyn máninde ońtaıly kórsetkishter birden kórindi», - dedi A. Saın elimizdegi jasóspirimder máselesi boıynsha onlaın rejımde ótken jıynda.
Onyń aıtýynsha, bul baǵdarlama aıasyndaǵy jumystar birshama tejelip, qarjylandyrý salasyndaǵy máseleler bolǵan kezde, balalar arasynda qylmystar sany qaıtadan ósken.
«Sektsııalar men úıirmelerdiń birazy jabyldy, óıtkeni tıisti qyzmetter úshin tólem toqtap qaldy. Osynyń saldarynan balalar jasaǵan qylmystardyń kóbeıgenin birden baıqadyq», - dedi Arýjan Saın.
Budan buryn habarlanǵandaı, Artsportqa bólingen qarajattyń tıimdi ıgerilýin baqylaıtyn jumys toby qurylady.
Jyl basynda Artsport baǵdarlamasy jańa formatta jalǵasatyny aıtyldy.
2022 jyly kúzde Artsport jobasyndaǵy birneshe sport túri qysqartylǵany belgili boldy.
