«Artsport» baǵdarlamasyn júzege asyrý kezinde zań buzylǵan - prokýratýra
«Artsport» baǵdarlamasyn júzege asyrý kezinde, qarajatty urlaý, bıýdjet tapshylyǵy jáne sapasyz qyzmetter kórsetý sııaqty jappaı buzýshylyqqa ákep soqqan júıeli kemshilikter oryn aldy.
Bul týraly Kazinform Almaty qalalyq prokýratýrasynyń baspasóz qyzmetine silteme jasap habarlaıdy.
Almaty oblysynyń prokýratýrasy jetkizýshiler biriniń tarapynan bıýdjet qarajatyn jymqyrý faktisin anyqtady.
Júıeniń kemshiligi fýtbol klýbynyń dırektoryna oryndalǵan jumys aktilerine jalǵan málimet engizýge múmkindik bergen.
Atalǵan fakti boıynsha bıylǵy 30 mamyrda aýdan prokýratýrasy bıýdjet qarajatyn urlaý faktisi boıynsha klýb dırektoryna qatysty sotqa deıingi tergep-tekserý jumystaryn bastady.
Sot úkimimen jetkizýshi qylmys jasaǵany úshin kináli dep tanylyp, 3 jylǵa bas bostandyǵyn shekteý jazasy taǵaıyndaldy.
Sonymen qatar sport klýbtary men mádenı úıirmelerdiń salyq zańnamasyn saqtaý máselesi boıynsha tekserý júrgizildi.
Jekelegen jetkizýshiler «Artsport» jumys istep turǵan kezeńinde QQS salyǵyn tóleýshiler retinde qoıylmaǵan.
«Prokýratýra memlekettik kirister departamentine qadaǵalaý aktisin engizdi, nátıjesinde jetkizýshiler 25 mıllıon teńge kóleminde ákimshilik jaýaptylyqqa tartyldy (aıyppuldar tólendi)»-delingen Almaty qalasyprokýratýrasynyń habarlamasynda.
