ArtSport baǵdarlamasy aıasynda 1,4 mln teńge jymqyrǵan kásipker sottaldy

KÓKShETAÝ. KAZINFORM – Kókshetaý qalasynyń prokýratýrasy júrgizgen taldaý nátıjesinde balalardyń sabaqqa qatysýyn esepke alý bóliginde memlekettik sporttyq tapsyrys boıynsha jarııa oferta talaptarynyń buzylǵanyn anyqtady. 

2023 jylǵy mamyr aıynan 2024 jylǵy qyrkúıek aıyna deıingi kezeńde jeke kásipker alty balanyń sabaqtarǵa qatysýyn jalǵan kórsetkeni, al bul balalardyń is júzinde sektsııalarǵa barmaǵany anyqtaldy.

Azamat jeke kásipker retinde tirkelip, «ArtSport» baǵdarlamasyna qatysý quqyǵyn alǵan jáne vaýcherlik qarjylandyrý arqyly sabaqqa qatysý tabelderin jáne kórsetilgen qyzmetter aktilerin jalǵan toltyrǵan. Sonyń negizinde memlekettik bıýdjetten onyń esepshotyna aqsha qarajattary aýdarylǵan.

Saldarynan memleketke 1,4 mln teńgeden astam mólsherde zalal keltirildi.

Atalǵan fakt boıynsha qylmystyq is qozǵaldy.

Qalalyq sottyń úkimimen azamatsha N. bıýdjet qarajatyn jymqyrǵany úshin (QR QK 190-baby) kináli dep tanylyp, 2 jylǵa bas bostandyǵyn shekteý jazasyna, sondaı-aq 3 jyl merzimge materıaldyq jaýapty laýazymdardy atqarý quqyǵynan aıyrýǵa sottaldy. 

Aıta ketelik úıirmelerge tólem jasaý «áleýmettik ámııan» arqyly júzege asyrylatyny týraly jazǵan edik.