Ártister Astananyń shetki aýdandarynyń birin de qaldyrmaı aralamaq
ASTANA. 28 maýsym. QazAqparat - «Astana-Shattyq» shyǵarmashylyq avtokerýeni qalanyń shetki aýdandarynan ótedi. Jyl saıyn dástúrli túrde ótkizilip kele jatqan ár sharanyń ózeginde maqsat-mindeti men tujyrymdamalyq ıdeıasy bar.
Aıtalyq, 2010 jyly uıymdastyrylǵan shyǵarmashylyq avtokerýen «Astana - toǵyz joldyń toraby» uranymen ótkizildi.
2012 jylǵy avtokerýenniń negizgi arqaýy - «Qazaqstan jetistigi - jas Astana». Kontserttik baǵdarlama qatysýshylary qatarynda qazaq estrada juldyzdarymen qatar talaptanǵan jas ánshiler, ártister, bı ujymdary bar. Dástúrli avtokerýen kórermenderge tamasha kóńil-kúı syılaıtyn abyroıly alańǵa aınaldy.
Avtokerýen baǵdarlamasy eńbektegen baladan eńkeıge kárige deıin talǵamynan shyǵýǵa baǵyttalǵan júıeli joba. Qala shetindegi kishigirim aýdandarda qazaq estrada juldyzdarynyń qatysýynyń ózi baǵdarlamanyń salmaǵyn arttyra túseri sózsiz. Aqparatty «Báıterek» baspasóz ortalyǵy taratyp otyr.
