Artyq salmaqtan aryltý otasynda kóz jumǵan marqumnyń sot saraptamasynyń merzimi uzartyldy

ASTANA. KAZINFORM – Densaýlyq saqtaý mınıstrligi Kazinform saýalyna joldaǵan jaýapta artyq salmaqtan arylý úshin jekemenshik klınıkada ota jasatyp kóz jumǵan Almaty oblysy turǵynynyń isi týraly málimet berdi.

«Medıtsınalyq jáne farmatsevtıkalyq baqylaý komıtetiniń Almaty qalasy boıynsha departamenti usynǵan aqparatqa sáıkes, 2024 jylǵy 17 shildede azamat L.S. Batyrhanovanyń senimdi ókili, advokat D.G. Pertsevadan ótinish kelip túsken.

Departament 22 shildede Almaty qalasy Bostandyq aýdanynyń polıtsııa departamentine qylmystyq istiń qozǵalǵany týraly, Sotqa deıingi tergep-tekserýdiń biryńǵaı tiziliminiń nómirin, medıtsınalyq sot saraptamasynyń hattamasyn, shyny preparattardy, tekserý júrgizý úshin bıomaterıaldar boıynsha aqparattardy usynýǵa járdemdesý týraly suratý jiberdi. 
Ádilet mınıstrligi 6 shildede azamat L.S. Batyrhanovanyń máıitine sot-medıtsınalyq saraptama taǵaıyndaý týraly qaýly túskenin aldyn ala habarlady. Sonymen qatar sot-medıtsınalyq saraptamany tolyq jan-jaqty júrgizý merzimderiniń uzartylǵany habarlandy», - dep jazylǵan jaýapta.

Eske salaıyq, shildeniń basynda Almatyda artyq salmaqtan arylý úshin lıposaktsııa jasatqan áıel kóz jumǵan bolatyn.