«Artem» saýda úıi mańynan uıaly telefon urlaýmen aınalysatyn 3 adam ustaldy
ASTANA. QazAqparat - Astana polıtsııasy «Artem» saýda úıi men onyń mańyndaǵy telefon satatyn jáne jóndeıtin saýda oryndaryn aralady, dep habarlaıdy QazAqparat qalalyq PD baspasóz qyzmetine silteme jasap.
«Stop, qylmys» jedel izdestirý is-sharasy uıaly telefon, planshet, noýtbýk sekildi gadjetterdi urlaý qylmystarynyń aldyn alý jáne ony ashý jumystarynyń tıimdiligin arttyrý maqsatynda ótkizildi.
Qalada departament polıtseılerinen 70 mobıldi top quryldy. Olar uıaly telefon satyp alatyn, satatyn jáne jóndeıtin núktelerdi aralap shyqty. Barlyǵy 144 saýda orny tekserilse, onyń ishinde telefon jóndeıtin 75 sheberhana bar. «Stop, qylmys» jedel izdestirý is-sharasynyń nátıjesinde tıisti qujaty joq 900 gadjet pen olardy jóndeýge arnalǵan qosalqy bólshek alyndy.
Іs-shara barysynda polıtseıler uıaly telefon urlyǵyna qatysy bar úsh kúdiktini qolǵa túsirdi. Olar buryn da osyndaı qylmystary úshin birneshe ret sotty bolǵan. Onyń ishinde 31 jastaǵy jergilikti áıel de bar. Ol «Huawei» markaly smartfondy urlaǵany úshin kúdikke ilindi.
Osy atalǵan telefon urylarynyń áreketinen zardap shekken azamattar bolsa, Astana qalalyq polıtsııa departamentine nemese myna telefondarǵa habarlasýyna bolady: 8 (7172) 716171, 716247 nemese 102.
