Artem Kýchın Qazaqstandaǵy QFF Tórelik konventsııasynyń úılestirýshisi bolyp taǵaıyndaldy
ASTANA. KAZINFORM – Qazaqstan fýtbol federatsııasynyń (QFF) Tórelik konventsııasy boıynsha jańa úılestirýshisi bolyp elimizge tanymal tóreshi Artem Kýchın taǵaıyndaldy, dep habarlaıdy federatsııanyń baspasóz qyzmeti.
Bul qyzmette ol QFF Tórelik jáne ınspektsııalaý departamentinen ketken Arman Esmuratovty almastyrdy.
Kýchınniń mindetine otandyq fýtbol tóreshilerin daıyndaý, oqytý jáne damytý salasyndaǵy ÝEFA standarttarynyń saqtalýyn baqylaý kiredi.
Artem Kýchın 1977 jyly 15 jeltoqsanda Qaraǵandy qalasynda dúnıege kelgen. Ol Premer-lıgadaǵy debıýttik matchyn 2008 jyly 17 maýsymda ótkizip, al 2009 jyly FIFA tóreshisi mártebesine ıe boldy. Kýchın Mansabynda 2014 jylǵy álem chempıonatynyń irikteý kezeńi, ÝEFA Eýropa lıgasy men Konferentsııa lıgasynyń matchtaryna, Qazaqstan Kýbogy fınaldary men Sýperkýbogynyń oıyndaryna, U17 jáne U19 Eýropa chempıonattarynyń fınaldyq týrnırlerine, sondaı-aq ÝEFA Óńirler kýbogynyń fınalyna tórelik etti.
-Qazaqstandyq tóreshilerdiń arasynda tuńǵysh ret Eýropa lıgasy toptyq kezeńiniń matchtaryn basqarý dál osy Kýchınge senip tapsyryldy, bul otandyq tórelik etý salasy úshin mańyzdy beles boldy,-delingen habarlamada.
Osyǵan deıin Gýstavo Paradeda «Qaırat» fýtzal klýbynyń tizginin ustaǵany týraly jazdyq.
