Artas Sana erkin kúresten alǵashqy Olımpıada lıtsenzııasyn el qorjynyna saldy
ASTANA. QazAqparat - Qazaqstandyq balýan Artas Sana Las-Vegastaǵy álem chempıonatynda erkin kúresten Olımpıada lıtsenzııasyn ıelendi. Ol bolgar sportshysy Vangelovpen kezdesýinde 7:0 esebimen jeńiske jetti, dep habarlandy Grek-rım, áıelder jáne erkin kúres federatsııasynyń VKontakte áleýmettik jelisindegi resmı paraqshasynda.
Osylaısha, Sana 57 keli salmaq dárejesindegi sportshylar bestigine kirip, 2016 jylǵy Olımpıadaǵa joldamany el qorjynyna saldy.
Artas Sana erkin kúreste júldeli medal úshin kúresken jalǵyz qazaqstandyq sportshy boldy.
Álem chempıonatynda úshinshi oryn úshin kúreste 57 keli salmaq dárejesinde Sana mońǵol sportshysy Bekbaıar Erdenabattan 1:5 esebimen utyldy.
Eske sala keteıik, bul salmaqtaǵy úzdikter bestigine kirgen Artas Sana Qazaqstan úshin Rıo-de-Janeırodaǵy oıyndarǵa birinshi jáne jalǵyz joldamany jeńip aldy. Foto: caravan.kz
