Ártaraptandyrý máselesinde álemdik tájirıbege basa mán bergen oryndy - O. Sábden
ASTANA. Aqpannyń 19-y. QazAqparat /Qanat Mámetqazyuly/ -Ártaraptandyrý máselesinde álemdik tájirıbege basa mán bergen oryndy. Búgin QR Parlamenti Májilisi janyndaǵy Qoǵamdyq palatanyń otyrysynda «Ekonomıkany ártaraptandyrý - tabysqa jetýdiń kilti» taqyrybynda baıandama jasaǵan palata múshesi ekonomıka ǵylymdarynyń doktory Orazaly Sábden osylaı málim etti,
dep habarlaıdy QazAqparat.
«Ekonomıkany ártaraptandyrýdyń álemdik tájirıbesine súıensek, «altyn mıllıard» elderindegi jeńil ónerkásiptiń jáne aýyl sharýashylyǵynyń jalpy ishki ónimdegi úlesi bar bolǵany 15-20 paıyzdy ǵana quraıdy. Sondyqtan da, teri, aıaq kıim, toqyma ónerkásipterin jiti damytý máselesin anyq saraptamadan ótkizip, túbegeıli zertteý qajet. Óıtkeni, damyǵan elder birtindep ózderiniń aýmaǵynan úlken eńbek shyǵynyn, tómengi qosymsha qundy talap etetin óndiristerdi yǵystyryp shyǵaryp keledi. Bul rette kıim, aıaq kıim tigý, jıhazdar jasaý birtindep arzan jumys kúshi mol shoǵyrlanǵan elderge qaraı ysyrylýda. Jańaǵy «altyn mıllıard» elderine keletin bolsaq, sol elderde joǵary tehnologııalyq salalarǵa, qarjylyq, áskerı ónerkásip sekildi salalarǵa ǵana myqty qoldaý jasaıtyny tegin emes. ıAǵnı, bularda ornyn ımportpen almastyrýǵa bolmaıtyn, aýqymdy dıvıdent ákelýge múmkindigi joǵary salalarǵa basymdyq berilip otyr», dedi O. Sábden.
Onyń aıtýynsha, búgingi kúni Frantsııa, Shvetsııa, Irlandııa, Ulybrıtanııa, Fınlıandııa, Belgııa, Italııa sekildi elder avıaqurylys, bank qyzmeti, avtokólik qurylysy, sandyq teledıdar, bıotehnologııa, uıaly baılanys jáne baǵdarlamalyq qamtamasyz etý sekildi salalardy bir-birimen ózara bólisip alǵan. Tek, Italııa ǵana toqyma ónerkásibine basymdyq mán berip otyr, óıtkeni bul sala osy el úshin brendtik ónim bolyp tabylady. Al qalǵan elderdiń fabrıkalyq tigin ónimderin, kıim-keshegin túgelge jýyq derlik Qytaı qamtamasyz etip keledi. «Al endi Qazaqstanǵa keler bolsaq, árıne bizdiń elimizde kıimdi de, aıaq kıimdi de tigip, shyǵarýǵa qaýqarymyz jetkilikti, múmkindigimiz barshylyq. Biraq, bul taýarlardyń barlyǵynyń orny tez-aq ımportpen almasyp ketedi. Endeshe, bundaı jaǵdaıda bizge ne isteý qajet? Nege álem elderiniń tájirıbesi sekildi bundaı óndiristerdi ekonomıkasy áljýazdaý elderge qaraı yǵystyrmasqa?! ıAǵnı, ártaraptandyrý úshin bundaı óndiristerdi elimizdiń ishki jaǵynda shyǵarý, básekege qabilettilikti joǵaltý degendi bildiredi. Árıne, jańaǵy salalardy belgili bir ońtaıly suranysty qamtıtyndaı damytýǵa bolady, biraq keńinen osynyń sońynan qýýǵa bolmaıdy», dedi O. Sábden.
