Artaev pen Sápıev Golovkın - Djeıkobs aıqasy kórsetiliminiń sarapshylary bolady
ASTANA. QazAqparat - 19 naýryzda Nıý-Iorkte «Medıson Skver Garden» arenasynda WBA (Super), IBO, WBC jáne IBF tujyrymdary boıynsha orta salmaqtaǵy álem chempıony qazaqstandyq Gennadıı Golovkın (36-0, 33 KO) men WBA tujyrymy boıynsha álem chempıony amerıkalyq Denıel Djeıkobs (32-1, 29 KO) arasynda aıqas ótedi.
Otandasymyzdyń bul jekpe-jegi «Qazaqstan jáne «Kazsport» arnalarynda tikeleı efırde kórsetiledi. Ol saǵat 08.00-de bastalady.
Reportaj kezindegi sarapshylar olımpıadalyq chempıon, Vel Barker Kýbogynyń ıegeri Serik Sápıev pen Baqtııar Artaev bolady.
Atap ótsek, Sápıev «Kazsport», al Artaev «Qazaqstan» arnasynda pikir bildiredi.
Sondaı-aq «Kazsport» arnasy Golovkın - Djeıkobs jekpe-jegine arnalǵan eki arnaıy stýdııalyq baǵdarlama jasaıdy. Onda sarapshylar osy jylǵy eń basty jekpe-jekterdiń biri jaıynda óz oılarymen bólisedi.
Birinshi baǵdarlama 07.30-da, ekinshi baǵdarlama - jekpe-jek aıaqtalysymen ótedi. Onda olımpıadalyq chempıondar aıqas qorytyndysyn shyǵaryp, negizgi sátterdi talqylaıdy.
