Art-obekt: Qoladan quıylǵan quıryq izi qaıda ketti
ALMATY. QazAqparat - Almatyda ornatylǵan ekinshi art-obekt - «Rojdenıe Sedla» vandalızmge ushyraǵan joq, dep habarlaıdy QazAqparat tilshisi.
Buǵan deıin birqatar BAQ-ta Panfılov kóshesine ornatylǵan «Rojdenıe Sedla» art-nysanyndaǵy qoladan quıylǵan quıryq izi "joǵalyp" ketkenin habarlaǵan bolatyn.
«FUNK kreatıvti agenttigi» basshysy Maıra Izmaılova atalǵan oqıǵaǵa baılanysty túsinikteme berdi.
«Rojdenıe Sedla» músinine vandaldar shabýyl jasaǵan joq. Sýretshi búgin ony bekitý úshin sheship aldy. Jaqyn arada «quıryq izi» ornyna qaıta ornatylatyn bolady», - dedi Maıra Izmaılova.
Aıta ketý kerek, bul nysan «Almaty - teplyı gorod» jobasynyń aıasynda ornatylǵan ekinshi nysan bolatyn. Birinshi art-nysan alyp tıin qazaqstandyqtar arasynda qyzý pikirtalas týǵyzdy. Shópten jasalǵan 12 metrlik alyp tıindi turǵyzýǵa ákimdik qorjynynan 15 mln teńge jumsalǵan.
Ákimdik atalǵan joba aıasynda taǵy 14 nysan ornatatyn bolady. Bul baǵytta qalalyq bıýdjetten 78 mln teńge jumsalmaq.
Foto: Art Energy Almaty / Facebook
