Arshavın qazaqstandyq blogerdiń shashyn taqyrlap alyp tastady
ASTANA. QazAqparat - Reseıdiń tanymal fýtbolshysy, «Qaırat» klýbynyń oıynshysy Andreı Arshavın báste utylyp qalǵan jýrnalıst Petr Volıkovtyń shashyn qyrqyp tastady, dep habarlaıdy QazAqparat tilshisi.
«Shashtaraz jaman mamandyq emes. Sen bir nárseni alǵash jasap jatqanyńda, ol saǵan qyzyq kórinetini anyq qoı, sondyqtan meniń búgingi kóńil-kúıim keremet», - dedi Andreı Arshavın.
Fýtbolshynyń aıtýynsha, shash qyrqatyn quraldy ol alǵash ret qoldanýda. Alda-jalda bás tigip qalatyn bolsa, shashsyz qalýdan qoryqpaıtynyn da jasyrmady.
«Menińshe, men qandaı bás úshin ózimniń shashymdy qyrqýǵa daıyn ekenimdi oılaný kerek, sondyqtan men odan qoryqpaımyn», - dep jaýap qatty A.Arshavın tilshilerdiń qoıǵan saýalyna.
Al Arshavınnen utylyp qalǵan jýrnalıst endi aınaǵa qaraýdan qorqatynyn aıtty.
Shash qyrqý protsesin tamashalaýǵa «Qaırat» fýtbol klýbynyń oıynshylary men jankúıerler kóp jınaldy.
Eske sala ketsek, Andreı Arshavın «Qaırat» klýbyna aýysqanda Petr Volıkov reseılik sportshy elimizdiń premer-lıgasynda qandaı da bir nátıje kórsete alatyna senimsizdik tanytqan. Jýrnalıst eger Arshavın «Qaırat» sapynda 8 gol salsa, onda shashyn taqyrlap aldyrtyp tastaıtynyn aıtyp, bástesken bolatyn.
«Aqtóbemen» match kezinde Andreı Arshavın birinshiliktegi 8-shi golyn saldy, budan keıin fýtbolshy jýrnalıstke qarata vıdeosálem joldady. Onda sportshy básten utylǵan jýrnalıstke óziniń shash alý qyzmetin usyndy.
Arshavınniń málimdemesine oraı, bloger shash qııatyn quraldaryn qolyna alyp turyp, Almatyda kezdesetin oryndy belgiledi. «Men óz sózime jaýap beremin, ári basymdy (shashymdy) da saǵan senip tapsyramyn. Kezdesýdi 6 qazan, beısenbi kúni Astana alańynda, Álııa men Mánshúk eskertkishteri aldynda, saǵat 14:00-ge belgileımin. Asyǵa kútemin», - dedi Volıkov.
