Arshavın «Arsenaldan» ketetinin aıtty
ASTANA. 21 sáýir. QazAqparat - «Arsenal» fýtbol klýbynyń jartylaı qorǵaýshysy reseılik azamat Andreı Arshavın, óziniń osy jazda «zeńbirekshiler» qatarynan ketetindigin aıtty, dep habarlaıdy Alaman.kz.
Saıttyń jazýynsha, fýtbolshy babynda tursa da, bas bapker Arsen Vengerdiń ony alańǵa jibermegenine, senim artyp, múmkindik bermegenine narazy eken. Ol endi Aǵylshyn premer lıgasyndaǵy, bolmasa Ispanııa, Italııa chempıonattaryna sapar shekpek nıette ekendigin de aıtqan kórinedi. Tipti Reseı premer lıgasyna qaıtyp oralýǵa da daıyn ekendigin málimdegen. «Eń basty maqsatym - Reseı quramasynyń sapynda oınaý», - depti Arshavın.
