Arshalyda jol apatynan eki avtokólik aýdaryldy
NUR-SULTAN. QazAqparat – Aqmola oblysynyń Arshaly aýdanynda eki avtokólik jol apatyna ushyrady, dep habarlaıdy QazAqparat «QazAvtoJol» kompanııasyna silteme jasap.
«Oqıǵa búgin túste Temirtaý baǵytyndaǵy Arshaly aýdanynyń janynda boldy. Volkswagen júk tasymaldaý kóliginiń júrgizýshisi alda kele jatqan Hyundai avtokóligne soǵyldy. Qatty soqqydan eki kólik eki jaqqa aýdaryldy. Hyundai avtokóligindegi jolaýshy áıeldiń jambas súıegi synyp, Arshaly aýdandyq aýrýhanasyna jetkizildi. Júrgizýshilerge medıtsınalyq kómek qajet bolǵan joq» - dep habarlady «QazAvtoJol» UK» AQ baspasóz qyzmetiniń basshysy Marjan Ordabaı.
Aldyn ala boljam boıynsha, Volkswagen júk tasymaý kóliginiń rólinde aqaý bolǵan.
