Arshalyda ishkilik ishken sarbaz kámeletke jasy tolmaǵan balǵyndy qaǵyp ketti
KÓKShETAÝ. Sáýirdiń 19-y. QazAqparat /Janmurat Janaıdarov/ - Ótken senbi kúni Aqmola oblysyna qarasty Arshaly aýdany ortalyǵy Arshaly aýylynda ishkilik iship jolǵa shyqqan 6636 áskerı bólimniń sarbazy kámeletke tolmaǵan balǵyndy qaǵyp ketip,
jetkinshek aýyr dene jaraqatymen aýrýhanaǵa jetkizildi, dep habarlaıdy QazAqparat tilshisi oblystyq jol polıtsııasy basqarmasynyń baspasóz qyzmetine silteme jasap.
Áskerı bólimde kelisimshart boıynsha azamattyq boryshyn ótep júrgen qatardaǵy jaýynger «Aýdı-100» jeńil kóligimen tar kóshede «Dnepr» mototsıklin basyp ozýǵa árekettengen. Kólik rýline ıe bola almaý saldarynan uraǵa túsip ketken. Apatty jaǵdaı kezinde 1992 jylǵy azamatshany qaǵyp ótedi. Aldyn ala júrgizilgen tekserýde anyqtalǵandaı, ol buǵan deıin eki jylǵa kólik júrgizý kýáliginen aıyrylǵan kórinedi. Tergeý amaldary jalǵastyrylýda.
