Arshalyda bolǵan órt bir adamnyń ómirin qıyp ketti
KÓKShETAÝ. Aqpannyń 24-i. QazAqparat /Janmurat Janaıdarov/ - Aqmola oblysyna qarasty Arshaly aýdany aýmaǵyndaǵy Nıkolaevka aýylynda tilsiz jaý bir adamnyń ómirin qıyp ketti,
dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
Jaısyz oqıǵa ótken túnde 22 saǵat 53 mınýtta tirkelgen. Órt 1945 jylǵy Sh. esimdi zeınetkerdiń jataǵan úıinde boldy. Kórshilerdiń uıymshyldyǵy baspananyń aman qalýyna sebep bolǵan. Barlyǵy jabyla júrip órttiń aldyn alǵan. Bir ókinishtisi, tilsiz jaý 1971 jylǵy jumyssyz azamattyń ómirin qıyp ketti. Qazirgi kezde quzyrly organ ókilderi keleńsiz oqıǵanyń sebep-saldaryn, keltirilgen zııan mólsherin anyqtaýda.
